ماليش في السياسة - الجزء الأول -

كلمة بنسمعها كتير من ناس كتير

ولكن هل أحدكم تسآآئل ليه الناس بتقول كده ؟؟

انا من رأيي : انهم خايفيين من الحكومة أو انهم فعلا الموضوع مش بتاعهم - بمعنى انه مش بيعرفها أو مش بيتابعها ( مش عارف أوصلها ازاي ) مش من اهتماماته -

مش لاقي ليهم تالت خالص ..

هيه دي الأسباب المقنعة بالنسبة لي على الأقل عشان يقولوا كده

....المهم ...... كلنا متفقين أن الدين والدولة الاتنين واحد ولا يمكن أن يتجزأوا عن بعضهم مش ده اللي عايز اقوله .....

عايز اوصلكم حاجه تانية السببين اللي قلتهم ... هاخد واحد منهم واكلم عنه والتاني مش هيفيد اساسا الكلام فيه.. وده السبب التاني

انا هاتكلم عن السبب الأول ...

انا بسمع الناس بتقول ::

(( خايف من الحكومة )) ... (( يا عم عندي عيلين أربيهم )) ... (( وأنا مالي همه أحرار مع بعضيهم )) .... (( طالما اني عايش وكويس اتكلم ليه في الموضوع ده؟؟ )) ....كلام كتير بنسمعه من الناس ... بس انا عندي رد على الكلام اللي فات

1- خايف من الحكومة ليه؟؟ ..... (( كانت ربنا وفي ايديها الجنة والنار ))


2- يا عم عندي عيلين عايز أربيهم!! ..... (( وهل تربية الأولاد بالشرب والأكل بس ... طيب انا اعرف واحد دخل السجن سياسي ولما طلع بيحلفلي انا عمري ما شفت ولادي رجالة زي ما شفتهم وانا في السجن ويمكن اتعلموا حاجات كتير بقالي سنين بحاول ازرعها فيهم ........ ايه رأيك في الكلام ده يا اللي عايز تربي عيالك ؟؟!! ))


3- وأنا مالي همه أحرار مع بعضيهم ليه يا ريس !! .... (( هيا كانت بلدهم لوحدهم ... دي بلدنا كلنا ومن حقنا نعيش فيها أحرار ))


4- طالما اني عايش وكويس اتكلم ليه في الموضوع ده؟؟ ..... (( مش عارف والله تتكلم ليه ؟؟ ... انته راجل شبعان والعملية زي الفل تتكلم ليه صحيح ؟؟ .... بس يا أخي من باب أن الساكت عن الحق شيطان أخرس ومن باب تعاونوا على البر والتقوى ... غير حاجات كتير ممكن اقولك عليها .. بس كفاية دول ))

بعد ما رديت عليهم ... عايز ادردش معاكم شويه بقى .... نفسي أفهم ليه الناس بتقول كده عايز اتفق معاكم برده اني احنا لا نتمنى الابتلاء ولا نريده أساسا ولكن لو لا قدر الله ربنا ابتلاني ... فانا لازم اصبر ..... وخليكم فاكرين الكلام ده .....مش شوية ناس بدبابير هيه اللي تغيرني عن مبدأي ؟؟ الحكومة مش بيدها رزقك يا أخي .... ولكن الله بيده الأرزاق .... طيب لو فضلنا ساكتين ...... مش هوه ده الحل أكيد !! ولا ايه ؟؟دي بلدنا ولازم نعيش فيها أحرار .... مش كل حاجه بيد أمن الدولة ومين أمن الدولة دول أصلا ..... دي ناس واخده دبلومات فنية أو ثانوية بـ 50 %وداخلة بواسطة كمان ....... وبيفهموهم مفاهيم خاطئة ... مش هاقولكم على الكلام ده ... انت أعلم مني به ؟؟

انا عندي كلام تاني عايز اقولك انتظروه في الجزء التاني .. ان شاء الله

وقولولي رأيكم في الكلام اللي مكتوب ده ... صح ولا غلط ؟؟ نتناقش يعني !!

واجبات تاني ..... ليه طيب ؟؟

يعني مش عارف اقول ايه ... واجب تاني .... انا ما صدقت أخلص .... بس قدر ومكتووووووووب

6 أسرار قد لا يكتشفها من يقابلك أول مرة ؟

1- اذكر اسم من طلب منك حل الواجب ؟
أخويا وحبيبي أحمد من مدونة أنا وصاحبي

2-اذكر القوانين المتعلقه بهذا الواجب ؟
مش فاهم السؤال ... يلا .. خلينا نشوف اللي بعده

3-تحدث عن 6 اسرار قد لا يكتشفها من يقابلك لاول مره ؟

طيب .... يعني ربنا بيستر علينا .... انتوا لازم تفضحونا

1- إني بسرح كتير في الكلام.

2- بمووووت في حاجه اسمها كمبيوتر.

3- عملي جدا .... ومش بحب الهزار وقت الجد.

4- نشيط جدا في الحاجات اللي على مزاجي بس،،،، أما اللي مش في مزاجي أو مش مقتنع بيها طبعا كسووول جدا.

5- ان انا طالب ... لسه.

6- ان لساني مولوتوف ... في الحق طبعا .

4- حول هذا الواجب الى سته مدونبن واذكر روابط مدوناتهم ؟

(1) مدونة جمعاوي ------> http://www.gam3awey.blogspot.com/

(2) مدونة اخواني حتى النخاع -----> http://ikhwangeeee.blogspot.com/

(3) مدونة أمين المكتبة -----> http://akhgam3a.blogspot.com/

(4) مدونة خواطري -----> http://mykhawater.blogspot.com/

(5) مدونة شهيدة -----> http://shaimoah.blogspot.com/

(6) مدونة عمر أفندي ----> http://omarafandy.blogspot.com/

5- ترك تعليق فى مدونات من ارسلت اليهم الواجب ليعلموا به ؟

تم ...بحمد الله

-_-*-_-*-_-*-_-*-_-*-_-*

جزاكم الله خيرا أخي أحمد على هذا الواجب

بس مش هاقولك في انتظار المزيد

ربنا يكرمك يا أحمد

وجوه مضيئة ووجوه بتحلم ببكره !!

وجوه مضيئة

ووجوه بتحلم ببكره

مش فاهم حاجه خالص

مش عارف ومش فاهم ومش قادر أفهم أي حاجه..

ده شعوري بقالي تلاتة أيام .... مش فاهم لغاية امته هنفضل كده ... وانا مسافر كنت حاسس اني هاستريح لما اسيب مصر وابعد عنها ولكن اللي بيتضحلي إني بحبها ... ومش قادر على بعدها ... ليه ؟؟ ... ده حتى أنا مش مستريح فيها ... مش قادر أفهم.

كل يوم بتظهر امامي مواقف تخليني أكره حكومتنا الرشيدة .... رشيدة ؟؟ رشيدة مين يا عم ... خدوا الموقف ده ... لسه طازة أهون ... من شويه كنت بكلم واحد صاحبي معايا في الدفعة .. بيحكيلي عن النتيجة وكده .... قالي انا كنت جايب جيد قبل التظلم وبعد التظلم جبت امتياز ... اسمعوا الحكاية زي ما قالها وقولولي ايه رأيكم ؟؟

في علم النبات ... كان جايب في الورقة 42 درجة .... والملاحظ نقلها في الكشف 24 درجة

في الانجليزي ... فيه فرق في جمع الدرجات 18 درجة ... احم احم . (( اللي بيجمع ده ساقط حساب ولا ايه ))

في الكيمياء ... الدكتور جمعله أقل درجات للأسئلة .. بدل ما يجمعلوا أعلى درجات للأسئلة

في الحيوان ... بعد التظلم طلعلوا 5 درجات مش واخدهم

في الفيزياء ... اخونا كان حالل فرع كامل ومقفله .. ولم تجمع له الدرجة

طبعا كل ده بعد ما الاخ دفعلهم 353 جنيه تمن التظلم

انا عايز اعلق على اللي حصل ده

في مادة النبات ... معلهش الدكتور مش كان شايف ... بس هوا لو هايقبض المرتب هايشوف كويس جدا

في مادة الانجليزي ... معلهش أصل الدكتور ساقط حساب ... عشان يطلعلوا فرق 18 درجة

في مادة الكيمياء ... الدكتور له عذره برده ... دي مادته وهو حر .. ان شاء الله يسقطه

في مادة الفيزياء ... نفسي أفهم احنا عندنا ثلاث فروع والراجل مقفل الفرع اللي درجته ما اتجمعتش .... ليه يحصل كده ؟؟

بس العيب مش عليهم ... العيب على اللي وصلهم للمكان ده وخلاهم يدرسوا في الجامعة.

وبعدين هوه انا عشان آخد حقي لازم ادفعلهم فلووووووس .... يعني هوه كل حاجه في البلد خلاص وقفت على الفلوس

ولكن ما بيدي أن أقول غير ... حسبي الله ونعم الوكيل ... حسبنا الله في الظالمين

صحيح ... نسيت أقول ... انا لو عملت تظلم بقه ودفعت الفلوس وخدت معايا واسطه كمان ... هاطلع الأول على الدفعة مش كده ولا ايه ؟؟

رحمك الله يا خولي

هذه قصيدة مهداة لمعلمي الاول

الاستاذ محمد الخولي رحمه الله

رحمة واسعة وأدخله فسيح جناته

أبا زياد

يا قيدا حرا بطل يا صامدا رغم الألم

ستظل للأمجاد في أرواحنا أعلى مثل

*** *** ***

علمتنا ان الجهاد سبيلنا وبلا كلل

علمتنا ان القضية دون بذل لا تحل

عملتنا رغم الأسى ألا نهون ولا نذل

*** *** ***

يا قيدا حرا بطل يا صامدا رغم الألم

ستظل للأمجاد في أرواحنا أعلى مثل

*** *** ***

ذا جسمك المريض قد بعث المشاعل والأمل

ذا عزمك وثاب يقتلع المخاوف والوجل

ومضيت نورا ساطعا وغدوت نارا تشتعل

*** *** ***

يا قيدا حرا بطل يا صامدا رغم الألم

ستظل للأمجاد في أرواحنا أعلى مثل

*** *** ***

سطرت لنا معنى العز في أغلى سجل

ما أعجب القلب الذي بثباته فاق الجبل

ستظل رمزا للحياة وان يداهمك الأجل

*** *** ***

يا قيدا حرا بطل يا صامدا رغم الألم

ستظل للأمجاد في أرواحنا أعلى مثل

*** *** ***

حتى متى هذا الظلم والاستبداد ؟؟

مش عارف لغاية امته هنكون مظلومين ..... مش دايما احنا بنحذر بعض من الظلم ، ونقول اوعى تظلم حد... ده دعاء المظلوم مستجاب.

طيب احنا مظلومين وبندعي ..... ومفيش فايدة ، الوضع زي ما هو ويمكن يزداد سوووء.

يا جماعة المشكلة فينا احنا ..... احنا لما بنشوف غلط مش بنتكلم ..... احنا دايما ساكتين ومفيش حد بيتكلم

وطبعا كلنا عارفين إن

الساكت عن الحق شيطان أخرس

طيب ايه رأيكم اننا نتفق ونتعاهد على اننا لما نشوف حاجه غلط امامنا منسكتش ، ونتكلم بأعلى صوووووووت ونقوووول ده غلط

ولا كل واحد هيقولي يا عم أنا عندي عيلين عايز أربيهم.

طيب يا عم ياللي بتقول العيال ، هافكرك بموقف وانته تحكم

(( في غزوة تبوك ، لما الرسول صلى الله عليه وسلم بدأ في جمع التبرعات للغزوة ، الصحابة بدأوا يتسابقوا على دفعها للحبيب محمد ، حتى أن عمر بن الخطاب رضي الله عنه قال : اليوم سأسبق أبي بكر ، وذهب إلى بيته وأحضر نصف ماله ، ولما ذهب للرسول الحبيب ووضعها بين يديه ، وجد أبا بكر قادما بكل ماله ، فسأله الحبيب : ماذا تركت لأهلك يا أبا بكر ؟؟ فرد عليه الصديق : تركت لهم الله ورسوله. ))

ايه رأيك يا أبو العيال في الموقف ده. هااا لسه خايف على العيال ؟؟

يا عم قوم واصحى ... اذا انته ماتكلمتش غيرك هايتكلم ... العملية مش هاتقف عليييييك .... خليك انت السباق بالخير وهيكون في ميزان حسناتك.

ماء زمزم غير صالح للشرب؟؟ سبحان ربي

قال أحد الأطباء في عام 1971م إن ماء زمزم غير صالح للشرب ، استناداً إلى أن موقع الكعبة المشرفة منخفض عن سطح البحر ويوجد في منتصف مكة ، فلا بد أن مياه الصرف الصحي تتجمع في بئر زمزم !! ما أن وصل ذلك إلى علم الملك فيصل رحمه الله حتى أصدر أوامره بالتحقيق في هذا الموضوع ، وتقرر إرسال عينات من ماء زمزم إلى معامل أوروبية لإثبات مدى صلاحيته للشرب .. ويقول المهندس الكيميائي معين الدين أحمد، الذي كان يعمل لدى وزارة الزراعة والموارد المائية السعودية في ذلك الحين ، أنه تم اختياره لجمع تلك العينات .. وكانت تلك أول مرة تقع فيها عيناه على البئر التي تنبع منها تلك المياه وعندما رآها لم يكن من السهل عليه أي يصدق أن بركة مياه صغيرة لا يتجاوز طولها 18 قدما وعرضها 14 قدماً ، توفر ملايين الجالونات من المياه كل سنة للحجاج منذ حفرت من عهد إبراهيم عليه السلام .. وبدأ معين الدين عمله بقياس أبعاد البئر، ثم طلب من أن يريه عمق المياه، فبادر الرجل بالاغتسال، ثم نزل إلى البركة، ليصل ارتفاع المياه إلى كتفيه، وأخذ يتنقل من ناحية لأخرى في البركة، بحثاً عن أي مدخل تأتي منه المياه إلى البركة، غير أنه لم يجد شيئاً .. وهنا خطرت لمعين الدين فكرة يمكن أن تساعد في معرفة مصدر المياه ، وهي شفط المياه بسرعة باستخدام مضخة ضخمة كانت موجودة في الموقع لنقل مياه زمزم إلى الخزانات ، بحيث ينخفض مستوى المياه بما يتيح له رؤية مصدرها غير أنه لم يتمكن من ملاحظة شيء خلال فترة الشفط، فطلب من مساعده أن ينزل إلى الماء مرة أخرى .. وهنا شعر الرجل بالرمال تتحرك تحت قدميه في جميع أنحاء البئر أثناء شفط المياه ، فيما تنبع منها مياه جديدة لتحلها ، وكانت تلك المياه تنبع بنفس معدل سحب المياه الذي تحدثه المضخة ، بحيث أن مستوى الماء في البئر لم يتأثر إطلاقاً بالمضخة .. وهنا قام معين الدين بأخذ العينات التي سيتم إرسالها إلى المعامل الأوروبية ، وقبل مغادرته مكة استفسر من السلطات عن الآبار الأخرى المحيطة بالمدينة ، فأخبروه بأن معظمها جافة .. وجاءت نتائج التحاليل التي أجريت في المعامل الأوروبية ومعامل وزارة الزراعة والموارد المائية السعودية متطابقة، فالفارق بين مياه زمزم وغيرها من مياه مدينة مكة كان في نسبة أملاح الكالسيوم والمغنسيوم، ولعل هذا هو السبب في أن مياه زمزم تنعش الحجاج المنهكين .. ولكن الأهم من ذلك هو أن مياه زمزم تحتوي على مركبات الفلور التي تعمل على إبادة الجراثيم !! وأفادت نتائج التحاليل التي أجريت في المعامل الأوروبية أن المياه صالحة للشرب ويجدر بنا أن نشير أيضاً إلى أن بئر زمزم لم تجف أبداً من مئات السنين، وأنها دائما ما كانت توفي بالكميات المطلوبة من المياه للحجاج ، وأن صلاحيتها للشرب تعتبر أمراً معترفاً به على مستوى العالم نظراً لقيام الحجاج من مختلف أنحاء العالم على مدى مئات السنين بشرب تلك المياه المنعشة والاستمتاع بها .. وهذه المياه طبيعية تماماً ولا يتم معالجتها أو إضافة الكلور إليها .. كما أنه عادة ما تنمو الفطريات والنباتات في الآبار، مما يسبب اختلاف طعم المياه ورائحتها أما بئر زمزم فلا تنمو فيها أية فطريات أو نباتات . فسبحان الله رب العالمين