الاثنين، 12 يناير، 2009

الامتحانات والسياسة

كثير ما يدور في خالدي بعض الأشياء .. بعض الأفكار الغريبة
والتي كالعادة انها نادرا ما أفوح بها لغيري .. ولكن اليوم
وبعد حديث دار بيني وبين صديق لي
فوجدت ان هذه الفكرة دي لا بد أن تخرج للنور
فقد أصبحت منهاجا لا فكرة
الموضوع هو موضوع كل عام بل كل ترم
الامتحانات على الأبواب
والناس تبدأ تنطحن .. وتذاكر وتطحن نفسها في المذاكرة
ولكن الغريب أن الامتحانات معظمها إن لم تكن كلها بتكون صعبة جدا
والطلبة بتطلع من الامتحان مش عارف هوه فيه ايه بالظبط ؟؟
بس المرة دي انا حسيت بحاجه جديدة
حسيت انها بدل ما تكون فكرة بقت منهج
مش عارف هل بقت منهج لضغط الطلاب وشغلهم بأمر مذاكرتهم وخلاص
هل دي محاولة لاستبعاد الطلاب عن الحياة الاجتماعية والسياسية والطلابية !!
لأن زي ما انتوا عارفين صوت الطلاب بيأثر بشكل كبير جدا
فهل دي محاولة لضغطنا وشغلنا عنهم وعما يفعلونه ؟؟
أم هيه دي مصلحة الطلاب فعلا .. واللي دكاترتنا بيخافوا عليها
ولأنهم قد ما بيخافوا علينا وعايزين يطلعونا علماء وقادة .. الموضوع تحول إلى هساس الأسئلة الصعبة
كان هذا ما يدور بداخلي .. كانت هذه علامة التعجب الكبيرة لهذا الاسبوع !!!!!!
ولكني لم أجد لها إجابة عندي
فهلا أجد لها إجابة عندكم ؟؟؟

الثلاثاء، 6 يناير، 2009

مكنتش عارف .. بس خلاص عرفت

مش عارف والظاهر إني هافضل طول عمري مش عارف
كلمني واحد من اصحابي من فترة من يومين تقريبا
وسألني .. انته ليه مش بتكتب جديد على المدونة ؟؟
فقلتله انا عايز أقفل المدونة ... اه بجد عايز أقفلها
هاعمل بيها ايه ؟؟ .. ما خلاص .. كل شئ راح
اتوقع ان مفيش حد اليومين دول بيتكلم الا عن غزة
وكرامتنا اللي بقت في الأرض .. ولا اخوة ولا مودة
ايه يا جماعة ؟؟ ايه اللي بيحصل ده ؟؟ وعايزني أكتب ايه ؟؟
اكتب عن اللي بيحصل في غزة ؟؟ اووووووووووه
ما ناس كتير واحسن مني بتكتب .. خلاااااااااص
انا حاسس ان مينفعش نتكلم .. لغاية امتى هانتكلم !!
طيب نجيب أخبار .. بردو فيه وكالات أنباء أحسن مني
طيب نعمل تحليل .. بردو المحللين موجودين وأحسن مني
طيب هاعمل ايه ؟؟ انا زهقت خلااااااااااااص
لازم أقدم حاجه مينفعش أفضل ساااااااااااااكت كده
طيب قلت أفكر في ايه ممكن يكون حل سليم
وميكونش تحت ايدي حكامنا ولا تحت ايد حد خالص
حاجه كده اقدر اعملها ومحدش يقدر يكلمني فيها
ايه يا ترى ؟؟ انصر غزة ازاي ؟؟
طيب ما تيجوا قبل ما نفكر في الحل نفكر في الاسباب
ايه اللي وصلنا للمشاكل دي ؟؟
ايه يا ترى ؟؟ ايه يا ترى ؟؟
اه ..... خلاص عرفت
تخيلوا ايه السبب !!!!!!
صلاة الفجر - صلة الرحم - المذاكرة - المقاطعة - الحب المشبوه
اه اه اه .. كل ده .. تخيل
لما ضيعنا صلاة الفجر .. ضاعت غزة وقبلها فلسطين
لما ضيعنا صلة الرحم .. ضاغت الضفة وقبلها فلسطين
لما ضيعنا المذاكرة .. ضاعت كرامتنا وقبلها بلادنا
لما مقطعناش .. ضيعنا حماس وقبلها الشعب الأعزل
لما حبينا حب مشبوه .. ضيعنا غرناطه وقبلها الأندلس
تخيلوااااااااااااااااااااااا
قد ايه ضيعنا ... لما بعدنا عن دين ربنا
الدين الاسلامي .. الذي ما زالوا بيحالوا يبعدونا عنه
كانوا وما زالوا بيحاولوا يبعدونا عنه .. تخيلوا
ولكن دايما بتتقلب ضدهم .. بتتقلب بشكل احنا مش نتخيله
لأن هناك حامي لهذا الدين
الدش والقنوات الفاسدة .. اتقلبت وأصبحت القنوات الدينية والاسلامية
كثيرة جدا حتى طغت على تلك القنوات الفاسدة
الحب المشبوه اتقلب بحملة يلا نحب بجد .. لتصحيح تلك المفاهيم الخاطئة
وغيره وغيره
فعلا صدق الله تعالى حين قال : (( ويمكرون ويمكر الله والله خير الماكرين ))
أخواني بجد الحل في ايدينا .. بس الهمم .. أين الهمم ؟؟
هممنا خلاص راحت فين ؟؟
احنا عرفنا السبب .. وعرفنا كمان الحل ولكن أين الهمة العالية ؟؟
بردو دي ضاعت !!!!
يا الله للدرجة دي قدروا يتحكموا فينا
أين همتنا اذن ؟؟
همتنا ضاعت مع اعتياد الطاعات
همتنا ضاعت مع اعتياد الطاعات
أخوتي ما هي إلا دعوة لتصحيح المسارات
دعوة لايقاظ الهمم النائمة
دعوة لايقاظ القلوب الغافلة
دعونا من ذلك النوم .. ارمي لحافك
قوم من على سريرك
مش وقت نوم دلوقت
قوم بجد
قوم معايا بس
بلا بينا هانصلي ركعتين بتذلل وخشوع للمولى عز وجل
نطلب منه أن يساعدنا
لتغير أنفسنا والتغلب على شهواتنا
هيساعدنا بس لما يشوف فينا النية الصادقة لذلك
يلا .. شيل الغبار من على وجهك
هيا بينا هيا بينا