مش عارف لغاية امته هنكون مظلومين ..... مش دايما احنا بنحذر بعض من الظلم ، ونقول اوعى تظلم حد... ده دعاء المظلوم مستجاب.
طيب احنا مظلومين وبندعي ..... ومفيش فايدة ، الوضع زي ما هو ويمكن يزداد سوووء.
يا جماعة المشكلة فينا احنا ..... احنا لما بنشوف غلط مش بنتكلم ..... احنا دايما ساكتين ومفيش حد بيتكلم
وطبعا كلنا عارفين إن
الساكت عن الحق شيطان أخرس
طيب ايه رأيكم اننا نتفق ونتعاهد على اننا لما نشوف حاجه غلط امامنا منسكتش ، ونتكلم بأعلى صوووووووت ونقوووول ده غلط
ولا كل واحد هيقولي يا عم أنا عندي عيلين عايز أربيهم.
طيب يا عم ياللي بتقول العيال ، هافكرك بموقف وانته تحكم
(( في غزوة تبوك ، لما الرسول صلى الله عليه وسلم بدأ في جمع التبرعات للغزوة ، الصحابة بدأوا يتسابقوا على دفعها للحبيب محمد ، حتى أن عمر بن الخطاب رضي الله عنه قال : اليوم سأسبق أبي بكر ، وذهب إلى بيته وأحضر نصف ماله ، ولما ذهب للرسول الحبيب ووضعها بين يديه ، وجد أبا بكر قادما بكل ماله ، فسأله الحبيب : ماذا تركت لأهلك يا أبا بكر ؟؟ فرد عليه الصديق : تركت لهم الله ورسوله. ))
ايه رأيك يا أبو العيال في الموقف ده. هااا لسه خايف على العيال ؟؟
يا عم قوم واصحى ... اذا انته ماتكلمتش غيرك هايتكلم ... العملية مش هاتقف عليييييك .... خليك انت السباق بالخير وهيكون في ميزان حسناتك.
هناك تعليقان (2):
المشكلة أن اللي بيقول عايز أربي العيال سيبوني في حالي .. هو ده اللي عمره ما هيربي عياله و هيطلعوا صايعين لأن في وجهة نظرة تربية عياله هي تأكيلهم و تفحيلهم وتشريبهم وتنويمهم و بس أهم حاجه العيال تنام شبعانة .. ربنا مش هيغير حالنا إلا لما نتغير و "حتى يغيروا ما بأنفسهم" السلام عليكم
صحيح ..
بجد هوه ده الفكر اللي في دماغ الناس اللي عايزه تربي عيالها
بس لا بد لهذه الناس انها تفوق من اللي هيا فيه
ولا بد ان هذه الظلمة ان تزال
ان عاجلا او آجلا
إرسال تعليق