السلام عليكم ورحمة الله وبركاته
عاملين ايه ؟؟
أكيد وحشتكوا !!
محدش بقولي ايه الثقة دي ؟؟
بس انا أعرف لما تحب حد من قلبك .. يبقى هوه كمان بيحبك
عموما أنا بحبكم جدا جدا جدا جدا .. ووحشتوني بجد
بس انا جاي أقولكم حاجه ع السريع كده
ايه هيه بقى ؟؟
هيه العنوان
لا تخشوا في الله لومة لائم
حياتي فرقت معايا كتير في الأيام اللي فاتت
حياتي اتغيرت 180 درجة
حياتي اتقلبت وده كله بسبب أول تحقيق
بجد والله
انا أخذت أول تحقيق
وسببه اني بدعو إلى المساواة والإخاء بين المؤمنين
تخيلوا ؟؟
دي تهمتي
عرفتوا ليه حياتي اتغيرت
عشان بقينا بنحارب ربنا
وبقى اللي بيدعوا لله .. هو المتهم
يعني لو كنت بحشش في الجامعة
مكنش حد هايكلمني
بالعكس .. كانوا هايكرموني
ما هيه معناها كده
اللذيذ جدا في الأمر
انهم اتهموني بشوية حاجات ... انا مش عملتها
ولا كان في دماغي أعملها أصلا
أنا راجل ماشي جوه الحيط
وفجأة .. ألاقي نفسي وسط النار
لييييييييييييييه ؟؟
من غير سبب
اهوه
تلقيح جتت
بس بجد يا جماعة
انا لا عملت حاجه ولا علقت ولا وزعت وجالي تحقيق
وانا من شاعة ما دخلت الكلية وانا بتجنب الحاجات دي
ولكن هيه اللي جائت لغاية عندنا
فبالله عليكم .. .محدش يتهزم .. محدش يتراجع
عشان خاطر تحقيق حقير لا راح ولا جاء
نحن على خطى الحبيب أيا كان
قبل التحقيق وبعده
يمكن بعد التحقيق .. أصبح الثبات أكتر
قبل التحقيق كنا بنخاف
عموما
أحب اوجه شكر جزيل جدا لأمن الدولة
ربنا يكرمكم يا رب
ويجعل هذا التحقيق في ميزان حسناتكم وسيئاتكم
اه .. في ميزان حسناتكم .. عشان كسرتوا حاجز طويل جدا كنت حاطه قدامي
وفي ميزان سيئاتكم عشان يتحاربوا ربنا
بجد بجد بجد انا مبسوط منكم جدا
فجزاكم الله كل خير ،،
هناك 4 تعليقات:
السلام عليكم و رحمة الله و بركاته
اكيد يا دكتور وحشتنا جدا و لازم تكون واثق من نفسك و حضرتك بتقول انه "اكيد وحشتكم"
مش قادره اقول لك غير انه الدعوه للإخاء بين المؤمنين دى مش تهمه و لو هيه كده فعلا فيارب نبقى كلنا متهمين
و لو ان المتهم برىء حتى تثبت إدانته
بس فى الحاله دى يا ريت تثبت إدانتنا و ربنا يقويك و وحشتنا كتاباتك جدا
بدر الدجى
ربنا يكرمك يا فندم
بجد بجد مش قادر أقول لحضرتك ايه
بجد انا طاير من الفرحة أن حضرتك أول واحدة تعلقي
ع فكرة عشان لو فيه حد مش مصدق
انا عندي الورقة اللي مكتوب فيها التهم دي
بس أنا مصورها
لأن فيه ناس لما بقولها بتقول اني بهزر
يا أفندم صادق من غير أى إثباتات
ليه يعنى؟ هو إحنا مش عارفين مين اللى بيتكلم؟
دا د/همسات شاب
اللى إحنا كلنا عارفينه و نحسبه على خير دائما و كمان أنا فرحانه أكتر منك لإن كان ليا الشرف انى اكون اول مين يرد عليك
انا لسه جايه من سفر دام لمدة 4 ايام و قلت افتح اشوف اذا كنت اضفت اى موضوع و الحمد لله لقيت الموضوع اللى انا عارفه معظم تفاصيله
ربنا يكرمك عاوزين نسمع عنك كل خير
السلام عليكم
اكيد طبعاً وحشتنا لأن اخر مرة شوفناك كانت من فترة ومش كان في وقت ندردش بسبب قص الورق .....
الحمد لله على كل حال
يمكن شافوك وانت بتنط من فوق سور المدرسة اقصد سموم...
ربنا يجعله في ميزان حسناتك وشد حيلك يا بطل
إرسال تعليق