Prison Break
مسلسل أمريكي
حد سمع عنه ؟؟
احم احم .. قصدي حد مسمعش عنه !!
ده مسلسل مشهور جدا .. وعلى فكرة انا مش من هواة الأجنبي خالص
بس هوه واحد صاحبي اعطاني المسلسل وقالي شوفه وهايعجبك وهاتندم لو مش شفته
فقلت .. خلينا نشوفه .. مش هانخسر حاجه ... بس تعرفوا اني مش ندمت اني اتفرجت عليه
اه .. والله .. لأني وصلت أو استنتجت حاجه كبيرة جدا .. ألا وهي حديثي لكم اليوم
انا كنت بتفرج على المسلسل ولفت انتباهي أول حاجه ان حجم الحلقة فيما يقارب 142 ميجابايت
والحلقة بالظبط 40 دقيقة وطبعا مش هاتكلم عن الصوت والصورة ونقاوتهما التي تضاهي الحقيقية
ودي كانت أول حاجه وقارنتها بأفلامنا العربية .. اللي حجمها كبير جدا ولا تقارن بتلك الأجنبية
بس طبعا ده مش اللي أنا عايزه .. ده العادي بتاعنا .. انهم سابقين في كل حاجه للأسف
ما علينا بكل ده
وانا بتفرج على المسلسل بردو .. اندمجت داخل البيئة بتاعتهم شويه
وبدأت أشوف الناس دي بتتعامل ازاي مع بعض .. ما هو قوام هذا المجتمع الذي يقود العالم
اه الأمريكان هم الذين يقودون العالم ... بس فأنا من خلال المسلسل .. كنت بحاول اندمج مع الشخصيات
بحاول أشوف المجتمع ده .. ايه اللي فيه المميز عننا ؟؟ .. ما هو المميز في هذه البيئة ؟؟
والتي يمكنها من أن تقود العالم
فوجدت الآتي :
1- عدم احترامهم لبعضهم البعض .. لدرجة انهم بيقفلوا التلفونات في وجه بعضهم البعض .
2- التعامل بينهم لا يقوم إلا على اساس المصلحة الشخصية .
3- عدم الأمان لأي فرد حتى ولو كان صديقك .
4- استغلال المناصب وعدم الاكتراث لأي شخص .
وغيره الكثير من تلك العادات الأكثر من سيئة
ولكن انا قعدت أفكر .. هل يا ترى الحاجات دي اللي تخلي الواحد يقود العالم ؟؟
هل يا ترى ذلك صحيح ؟؟
لأ .. طبعا ... والا مكنش حد غلب وكنا مسكنا العالم من زمااااااااان
ولكن وجدت أيضا أشياء أخرى لاحظتها أثناء مشاهدتي للمسلسل
ومنها :
1- العزيمة والإصرار.
2- الاخذ بالأسباب.
3- الإيمان - وان لم يكونوا مسلمين أساسا -.
وغيرها بردو
بس لما لاحظت الكلام ده موجود .. فهمت عالطول همه ليه ماسكين العالم
فهمت لماذا قادوا هذه الدنيا
شوفوا .. هم بلا أهداف نبيلة
ولكن بالتلات حاجات دي هاتقود الدنيا
بالعزيمة والاصرار والاخذ بالسباب والايمان
هذه هي المسببات للنجاح والريادة
بجد زعلت كتير .. لأننا نفقد هذه الأشياء
لأ .. بالعكس .. احنا ديننا بيحث على ذلك
واحنا مش بنعمل بهذا الدين
لأ .. وكمان احنا لينا أهداف نبيلة عكسهم تماما
بس بردو .. لأننا مفيش عزيمة عندنا ومستنين النصر من عند ربنا
وقاعدين في بيوتنا مستنين هذا النصر .. اللي مش هايجي إلا لما نتحرك
وإلا كان ربنا أعطاه لبني اسرائيل .. اللي توقفوا ولم يجاهدوا في سبيله
وقالوا : (( اذهب انت وربك فقاتلا انا ها هنا قاعدون ))
فربنا خذلهم وقال لهم : (( فتيهوا في الأرض ))
مش عايزين نكون زي بني اسرائيل
مش عايزين ربنا يغضب علينا
احنا بايدينا النصر
احنا اللي بايدينا كل حاجه
فيلا بينا نجدد نيتنا
هيا بنا نعود إلى الله
هناك تعليقان (2):
ما هو النصر برضه مش هييجي لما نتفرج على "بريزون بريك" خد بالك لأن الحاجت دي إدمان و اسأل مجرب ولا تنسى الطبيب . المهم الموضوع فعلا جميل " إن الله ينصر الأأمة العادلة و لو كانت كافرة و يذل الأمة الظالمة ولو كانت مسلمة " ألف شكر يا دوكتور . دمت مبدعا
ههههههه
أولا : أهلا وسهلا بيك وكلسنة وانت طيب
ثانيا : فعلا النصر مش هايجي بان الواحد يتفرج على الفيلم ولكن هي همسات جالت بخاطري عندما شاهدته .. ولكل منا كبوات :)
ثالثا : جزاك الله خيرا على مرورك الجميل ده .. وشكرا للنصيحة الغالية التي أعتز بها
أخيرا : إني أحبك في الله
إرسال تعليق