الاثنين، 17 مايو 2010

فعلتها أمي .. لك الحمد يا رب

بجد انهارده من أسعد الأيام في حياتي

لأن أول مرة أسمع خبر يسعدني من فترة طويلة


الوالدة : ازيك يا فلان عامل ايه ؟؟
أنا : الحمد لله بخير

الوالدة : أخبار مذاكرتك ايه .. شد حيلك خلاص هانت
أنا: الحمد لله أدينا شغالين

الوالدة : حابه أقولك على حاجه
أنا : أبشري

الوالدة : انهارده انا ختمت القرآن خلاص
أنا : بجد والله طيب كويس ألف مبرووك يا أمي ده خبر جميل جدا


بس يا جماعة

فعلتها أمي بعد كفاح أكتر من 12 سنة تقريبا

بجد بقالها أكتر من 12 سنة نفسها تختم القرآن و تحفظ حد فينا القرآن

بدأت معايا من صغري والحمد لله أنجزت جزء كبير جدا بس جيت في الآخر ووقفت

وبدأت مع أختي أيضا وحفظتها القرآن كاملا ولله الحمد منذ عامين

وانهارده بفضل من الله ومن

ختمت والدتي حفظ القرآن الكريم عن ظهر قلب

بعدما عانت من مشاق ومتاعب عشان تقدر تحفظه

صحيح مش انا اللي ختمت بس حاسس بفرحتها

وقد ايه هيه كانت وكل يوم كانت بتروح المركز وفي الصيف بتاخد دورات مكثفة

وسط كل مشاغلها مع اخواتي وانشغالها بحالي ومتابعتها لوالدي وحالته الصحية

رغم كل ده مش وقفها يوم واحد عن هدفها اللي عاشت حياتها تقريبا عشانه

فعلا ينطبق عليها الشاعر حين قال

ذو الهمة ان حط تأبى نفسه إلا علوا
كالشعلة من النار يصوبها صاحبها لأسفل فتأبى الا علوا

ربنا يباركلك يا أمي في اللي عملتيه معايا ومع اخواتي من مجهودات

ويباركلك في القرآن ويجعله حافظا لكي

وفعلا بالنجاح ده وسط كل المعوقات تستحقي تكوني الأم المثالية


ربنا يبارك لما فيكي

هناك 6 تعليقات:

د. ياسر عمر عبد الفتاح يقول...

رائع
تقبل الله منها

ووفق أمي أيضاً لحفظ القرآن الكريم
هي على الدرب

الله المستعان

غير معرف يقول...

ماشاء الله على اصرار حضرتها وعدم يئسها من حفظه مده 12 سنة
ربنا يبارك لها ويزيدها ..

اللهم وفق كل من لم يحفظه
واعنا على مراجعته

dentist isa :)

hend anwar يقول...

الله يباركلها
وخليها تدعيلنا بقى

غير معرف يقول...

من عاش للقرآن وبالقرآن,,فماذا يكون حاله؟
وكيف يكون حال أبنائه من بر وود؟

جزاها الله عنكم خير ما جزى أما عن أبنائها

تقبل أعطر التحية
هبة النيل

همسات شاب يقول...

جزاكم الله كل خير

د. ياسر عمر عبد الفتاح

dentist isa

sun of free dom

هبة النيل

جزيتم خيرا على دعائكم

ويا رب عفبال كل المسلمين

وعقبال ما يكون فهم وعمل مع الحفظ

جزيتم كل خير :)

همسْ آلحكايآ يقول...

شي جميل جداً ~.

ربي يبارك لها و يحفظهآ و ين ما تكونْ},

و يعينا ع حفظه أيضاَ