الأحد، 11 مايو 2008

أحرجتك عميلي العزيز

أحرجتك عميلي العزيز

مش عايز حد يستغرب من العنوان ... مش عايز حد يستعجب من اللي هكتبه فهو واقع ملموس في حياتنا اليومية.
أبدا من هنا وأقول بصفتي مغترب يعني حكاية الأكل بالنسبة ليا صعبه حبه بس طبعا محلات الكشري موجوده وبكثره والواحد أقلم نفسه على الوضع ورضي بما هوه فيه والحمد لله ... انهارده بقه رحت أجيب الغداء من محل الكشري وطلب الطبق اياه واستنيت استلمه وانا مستنيه لاحظت أن الرجل لم يضع الصلصة بعد ، فسألته عليها ... لقيته نظر إلى كإني سرقته وقالي تصدق نسيت .... ونظر للرجل المجاور له وقاله : طلع الصلصلة خليه يشوفها .... فالرجل طلعها وكان موجود وأنا كنت خاطئا ... بس ده حقي ومن حقي أطالب به .. مش مهم الكلام ده .... لقيت الرجل وهو بيديني الكيس بيقولي : أحرجتك عميلي العزيز ، بصراحة أنا استغربت .. ورديت عليه قائلا : بائعي العزيز ... لقد خسرت عميلك العزيز ومشيت.
بس وانا مروح قلت : ايه ده ؟
لو كل واحد هيعمل كده مع عملائه ... مفيش حد هيشتغل.
ساعتها فقط تبينت لي ماهية هذا الشعب
الشعب المصري الذي لا يعرف فقه البيع والشراء
ازاي واحد زيه يعمل كده .... طبعا عايزين تسألوني : هيه جريمة ؟؟ هاقولكم آه جريمة ...
بس مش جريمة عليه .. قد يكون هو غير متعلم ولا يفقه مثل هذه الاشياء
ولكنها جريمة ... جريمتي وجريمتك .
سنسأل عنهم يوم القيامة :لماذا لم نوضح لهم فقه البيع والشراء.
سنسأل عنهم أمام الواحد القهار
انها مسؤولية ..لأن مثل هذا الشخص بكره هيخسر عمله وهيقعد في البيت عاطل مش هيلاقي شغل
ساعتها ذنبه في رقبتنا ... بدل ما نتخانق معاه ،كنا نوضحله الصح.
قد يكون معالجتي للموقف خاطئ : ولكن انا اتصدمت برده وأول مره يحصل معي موقف مثل هذا
ولكن هذا ما استشعرته وانا راجع للبيت.
فنصيحة لكم : خلو بالكم من الشعب الغلبان فليس له غيركم وان الله لا يضيع أجر من أحسن عملا.
وجزاكم الله كل الخير.
وأختم بقول حبيبي محمد صلى الله عليه وسلم : (( كلكم راع وكلكم مسؤول عن رعيته )).

هناك تعليقان (2):

غير معرف يقول...

السلام عليكم
مدونى الحبيب ..............لقد اكتسبت تعليق جديد

موقف جامد جدااااااااااااااااا

يلا سلام

مزايا العقارية القابضة يقول...

بالهناء و الشفاء

و حضرتك دور على محل كشري محترم كده

و ابقى قول لنا عليه