عارفين مين ده ؟؟
مين يا ترى ... مين ... مين ...
أقولكم أنا مين !!
ده الأستاذ محمد الخولي الله يرحمه
أعظم معلم عرفته في حياتي
وانا جاي انهارده أكلمكم عنه .. مش هاكلمكم
هاقول حاجات صغننة أوي كده .... بس ان شاء الله تستفيدوا منها
انا منقطع عن التدوين منذ شهر ...
مش عارف السبب ... بس مكنتش عايز أكتب حاجه
دايما في بالي الأستاذ محمد ...
فقلت لن أكتب قبل يوم 14-8 .. هاتقوليلي ليه ؟؟
لأنه اليوم اللي توفى فيه .... يوم 14 -8 -2007 م
يااااااااه .. السنة عدت بسرعة أوي ..
انا لسه فاكره وهوه معانا .. شوفوا الراجل توفي
وعدت سنة على وفاته .... ياااااااااه بجد مش مصدق
أول حاجه عايز أقولها .. فوقوا لنفسكم ..
الموت مش بعيد عنكم وممكن في أي وقت ..
لا تتغر بصحتك ووسامتك
ده انته أقرب للموت منهم ... فيا جماعة اشحذوا الهمم ..
بجد مين كان يصدق اننا ممكن بين يوم وليلة نفقد الأستاذ محمد
محدش والله ؟؟ .... بس اهوه حصل .. يبقى احنا نتعظ بقه ،،،
الراجل ده عظيم جدا ... انا مش قادر أنساه ... وتقريبا كل يوم بفتكره ...
رغم انه مش مشهور ولا حاجه ...
بس هوه كان مسيطر على قلوب الجميع ...
والله لو كان هيقول لحد ارمي نفسك في البحر ..
كان يرمي نفسه ... تخيلوا .. بنحبه قد ايه ؟؟
انا بقالي سنة بتذكره يوميا ... مش قادر أنساه أبدا ...
في كل المواقف اللي بمر بيها بافتكره ..
بافتكر النصايح .. بافتكر الحب والود
ودي ثاني حاجه عايز أقولها ... لازم تكون عضو مؤثر في اللي حواليك ..
بأسلوبك اللطيف وحبك للجميع ...
بحفاظك على صلاتك ..
بتفوققك في دراسته ...
ده كله يخلي الناس تحبك ...
وتقدر تكون مكان الأستاذ محمد ..
الناس تذكرك حتى بعد وفاتك
مش حابب تكون كده ولا ايه ؟؟؟ ....
متحبش الناس تدعيلك بعد ما تموت ...
يبقى تنفذ النصايح اللي قلتها ...
وان شاء الله ربنا هايوفقك ويحبب خلقه فيك ...
انا بجد فرحان أوي اني بكتب الكلام ده ...
وبقول للناس كلها قد ايه الراجل ده عظيم ...
وفرحان أوي اني بادعيله يوماتي ...
الراجل بصراحة يستحق أكثر من ذلك بكثيييييييييييييير ...
بس ربنا يقدرني واقدر أرد له ولو جزء بسيط مما فعله معي
وحابب أقولكم ان الآن وقت كتابة هذا الكلام الساعة 10:15 مساء ..
في هذا الوقت ... هو نفس الوقت اللي ردت روح هذا الرجل الطيب إلى بارئها .....
وانا مش قادر أعبر عن احساسي ..
بالفرحة لأني بكتب الكلام ده واعرفكم بالراجل ده
واني فاكره دايما ولا بالحزن لفقده لانه كان نعم الأب والأخ والصديق ....
فيا رب ارحمه برحمتك ..
وادخله فسيح جناتك ...
واقبله عندك بين الأنبياء والصديقين والشهداء
ويا رب قدرني أكمل مسيرة هذا الرجل في الدعوة
ياااااااا رب .... يااااااااا رب
يا رب آميييييييييييييييييييييييييييييييييين
وأستحلفكم بالله .. اللي يقرأ هذا الكلام ...
يدعو لهذا الرجل .... فهو والله يستحق ذلك وأكثر
أخيرا ...
لن أنساك يا خولي ... لن أنساك ما حييت
سأظل أذكرك بين ... الدجى والناس كلهم
فيا رب الحقني به ... على خيرٍ وهدى وثبات
وخير ختام السلام
فسلام الله عليكم وبركاته ،،،،
هناك 15 تعليقًا:
اول نقول ....حمدا لله على السلامه
افتقدناك كتيييير
....
وربنا يرحمه ويغفرله ويسكنه فسيح جناته ...ونحن الاحقون به قريبا
وانت اخي ..انت ..من ترك فيك هذا الاستاذ كل هذا الحب له ...فاكمل مسيرته وتعهد طريقه...واحفظ عهده ..وراقب الله في هذا الطريق
بوست يدل على عمق الحب في الله اللي جمعك بهذا المدرس الفاضل
الانسان بيمر بناس في حياته عمره عمره ...لو فاتت سنين وسنين عمره ماينساهم
وفي ناس نقبلهم نتقول امته يغور عن وجهي
واللهم حببني الى خلقك وحبب خلقك الي
الصراحة اتفاجئت بالصورة . أنا عايز كل صورة اللي عندك . الأستاذ محمد الخولي أنا معاشرتهوش كتير بس حبيته والله جدا جدا الراجل ده الناس كلها بتحبه سبحان الله . أنا حاسس انه دخل الجنة . يا رب ارحمه وجمعنا بيه في الفردوس الأعلى يا رب يا رب يا رب . واحشني يا خولي
الحمد لله ان انت رجعت للتدوين تانى وجميل ان انت ذكرتنا بالموت وكفى بالموت واعظا وعلى العموم فيه ناس بنحبهم جدا وكنا مانتوقعش انهم يختفوا فجأه ولكن هذا هو القدر وإن لكل أجل كتاب . أوكما يقول الشاعر: إنماالدنيا فناء ليس للدنيا ثبوت
ويارب يرحمه ويدخله فسيح جناته ويجعل قبره روضه من رياض الجنه ولايجعله حفرة من حفر النار
عبد الهادي_ سارة
ربنا يكرمك يا افندم
فعلا الراجل ده أثر فيا أوي
انا بدعي ربنا اني أقدر بس أكمل في طريقه
ياااااااااا رب قدرني
جزاكم الله خيرا على مروركم الجميل
أنووووووس
حبيب قلبي ... أخيرا شرفتني في المدونة
الناس كلها يا ابني بلا استثناء ... يا رب نكون زيه ... بجد هوه لا يعوض أبدا...
وإحساسك ده في محله ... بس مش هاوضح هنا .. اوضحلك على الميل يا جميل
ربن يرحمه يا رب
وربنا يكرمك يا أنوووس أسعدتني بشدة بمرورك هذا .. ربنا يخليك
ابو حميد ... جزاك الله خيرا على مرورك الحلو ده
انا مش سبت التدوين ولا حاجه
انا كنت في حاجه زي فترة نقاهة كده
ربنا يكرمك يا اخي
جزاكم الله كل خير :)
اللهم ارحمه واغفر له وادخله الجنة والحقنا بع فى الصالحين
جزاكم الله خيرا
حبيبى نورت كنت فين
شكرا على التذكره كفى بالموت واعظا
اللهم ارحمه وادخله الجنه
وعنيئا لك هذه المشاعر الرقيقه تجاه هذا الانسان العظيم
تحياتى
أولا حمد لله على السلامة ..
************************
فى البوست الى فات كنت انتا كتبت وردة للأستاذ محمد الخولى
انا قولت مين أستاذ محمد الخولى ؟؟
لقيته الى انتا بتكلم عليه النهاردة
هوا شكله صغيره فى السن .. يعنى لسا شاب
بس الموت لا يفرق بين كبير وصغير
الله يرحمه وان شاء الله ربنا يتغمده فى رحمته
ويكون مع الحبيب المصطفى إن شاء الله
أحمد بدر الدين
أخي وحبيبي ... انا موجود معاكم باستمرار .. ولكن صامت
وحضرتك منورني في المدونة .. ربنا يكرمك
إخواني حتى النخاع
الله بسلمك يا أخي
وربنا يكرمك على مشاعرك الجميلة دي
ربنا يحشرنا جميعا مع الحبيب محمد صلى الله عليه وسلم
آآآآآمين يا رب
إرسال تعليق