ازيكم ؟؟
عاملين ايه ؟؟
انا داخل انهارده بس أكتب بوست عشان خاطر اتنين بصراحة
الأخت شيكو بعد طلبها لبوست جديد
بس ده آخر واحد :( .. استنوا بعد الامتحاناات عليكم خير
والأخت (مسلمة وكلي فخر) اللي منورة المدونة بتواجدها
أهلا وسهلا بيكي يا فندم
بصراحة انا ماليش مزاج أكتب خالص .. كفاية كتابة في المذاكرة
بس عشان خاطر الناس دي هاكتب واقول
عن
حالة الطوارئ اللي كل بيت في مصر بدأ فيها
امتحانات بقى وكده
وانتوا عارفين طبعا اللي فيها
بتحس المعلومات كلها داخله في بعض
مش طايق كلمه من حد
قاعد واقف نايم راقد ماسك الكتاب
بعكس العادة طبعا
وكمان بتسهر ع الكتاب
ما شاء الله ع الهمة العالية
كانت فين دي طول الترم ؟؟
متعرفوش .. ولا انا اعرف
انا بجد بستغرب طول الترم مش عارفين نفتح الكتاب
بس قبل الامتحان بنعرف
مش قادر أفهم السر خالص :(:(
المهم بقى وتلاقينا نايمين صاحيين ع الكتاب
بلف في الشقة هنا وهناك
معلنا حالة الطوارئ القصوى
أكيد كلنا له جولات وصولات مع المذاكرة
مثلا
تلاقيني زي اختنا دي
قاعد بتفكر هاتعمل ايه في الأجازة
وهاعمل كذاو كذا وكذا ويا ربي ع الحماسة
وما أن تأتي الأجازة حتى تصبح الأهداف في الهوا الطاير
وطبعا بقضيها مأنتخ في السرير طول الأجازة
موقف تاني
انته عامل رعب عظيم للبيت كله
وشوف أخوك عامل ازاي .. وهوه جاي يكلمك
خااااااااااااااايف يا حبة عيني
اخويا خايف يكلمني
وخايف أوي من ردة فعلي
رغم ان الغلبان جاي يقولي يلا .. حطينا الغدا
تعالى عشان تتغدى :d
طبعا مش عايز أقولكم عن المذاكرة اللي مقطعا بعضها
بتفتح الكتب وتعمل زي أخينا ده
عالم يا ولاد بيشوف المنهج
أول مرة طبعا تشوف شكل الكتاب
كل حاجه غريبة .. مش قادر تفهم هوه في ايه في الدنيا بالظبط
الكتاب نظيف .. انته مش عارف هوه فيه ايه
لدرجة انك ممكن تمسك الكتاب بالشقلوب
وطبعا زي ما ليلة العيد بتآنسنا
ونقولها يا ليلة العيد آنسيتنا وشرفتينا
بتبقى بقى يا ليلة الامتحان آنستينا
وطبعا بيبقى الحال زي أخونا ده
يا لهووووووووووووووووووووي كل ده لسه مخلصش
وطبعا ايدك ع خدك ومش عارف تعمل ايه ؟؟
المنهج طويل والمتبقى كثير والليل بيبقى قصير ع عكس عادته
طبعا الواحد مش بيبقى عارف يعمل ايه !!
فبيضطر آسفا لآخر خطوط الدفاع
ألا وهي
من طلب العلا نام الليالي وشد اللحاف وقال انا مالي
وتصبحوا ع خير
هناك 12 تعليقًا:
هههههه
الكلام دا بيحصل بالظبط معايا
بالذات موضوع التخطيط للأجازة دا..
دا انا برسم في دماغي جدول يومي للأجازة :d
ربنا يوفق حضرتك ويوفقنا جميعاا في الامتحانات :)
:)
شكرا شكرا يا دوك على البوست :)
والله نفس الحاله سبحان الله :D
وفعلا زى سمسمه تخطيط الاجازه ده
هوايه عندى :D
معلش ربنا يعديها على خير الامتحانات
ويوفقنا واياكم ان شاء الله :)
اولا جزاك الله خيرا
ثانيا انا حالتى ما يعلم بيها الا ربنا المواد نيلة عندنا والدكاترة ربنا يسامحهم وربنا يعدى الايام دى على خير بخرج من الامتحانات ببقى عامله زى المدمنين بظبط
مسلمه وكلى فخر
:D
كل طلبة مصر كده
وخصوصا موضوع التخطيط للاجازة
بالتوفيق في الامتحانات
الخطوط كبيرة جد مش عرفت اقرأ الموضوع غير لما جيت اعلق
semsema
ربنا يكرمك يا فندم
عايزين السنة دي بقى تبقى غير ونفذ خطتنا ان شاء الله
يلا .. ربنا يوفقك في الامتحانات ان شاء الله
منورة المدونة :)
شيكو
لا شكر ع واجب يا فندم
ومصر كلها نفس الكلام مش احنا بس :)
ربنا يوفقكم ان شاء الله
وطبعا انا حاقد عليكم
وحضرتك عارفه ليه :d
ربنا يوفقكم باذنه
مسلمة وكلي فخر
منورة يا فندم
وشدي حيلك أكتر في المذاكرة :)
ربنا يوفقك :)
بنت أبيها
منورة يا فندم
وطبعا كل طلاب مصر كده
وبالنسبة لمشكلة الخطوط
انا عندي مفهاش مشكلة
المشكلة في متصفح الفايرفوكس بس
انا الأوبرا والـ internet explorer
فعادي شغال فيهم
بالتوفيق ان شاء الله :)
اوووف
ايام الامتحانات ايام طوارئ
الله يعيننا عليه
بالتوفيق يا رب
وبانتظار النتايج المفرحه :)
كلام جميل جدا
بس انا مش معاك في نقطه
انك بتقول مش بنعرف نفتح الكتاب والترم شغال عادي وبنفتحها في قبل الامتحانات
انا ولا بعرف افتحها هنا ولا هنا
ههههههههه
الله المستعان
اقصقوصة
منورة يا فندم :)
ويا رب الأيام تعدي ع خير يا رب :)
محمود النجمي
منور المدونة يا ريس
واحنا مش مختلفين كتير
انا افتكرتك هاتقولي انك بتعرف تفتحه خلال الترم
بس يلا .. الحال من بعضه
لازم نيجي ليلة الامتحان ونزنق نفسنا الزنقة التمام :)
إرسال تعليق