يااااااااااااه
أخيرا وبعد طول انتظار
من شهر 4 اللي فات واحنا شغالين امتحانات
ولسه مخلص امبارح
حاجه تخنق
بجد وصلت الفترة الأخيرة .. إني مش عارف انا بقرأ ايه وليه وازاي :(:(
بس الحمد لله .. خلصنا خلاااااااااااااااااص
او نقدر نقول خلصنا :d
21-6
كان نفسي أدخل واكتب بوست
كان نفسي أصرخ هنا
واقووووووووووووووول
انا كملت 20 سنة
مش فرحان ومش زعلان
بس انا كملت عشرين سنة
يمكن أحلى حاجه في اليوم ده
ان قمت من النوم ببص على الموبايل
لقيت رسائل من بابا وماما واخواتي
كلهم بيقولولي كل سنة وانته طيب
بجد كانت أجمل حاجه في اليوم ده
يلا .. بقى .. غنوا معايا وقولوا ورايا
كل سنة وطيب أنا :d
_________
كملت 20 سنة
ونقول وبعدين ؟؟!!
لفين وأين ولماذا وكيف ؟؟!!
يمكن الأسئلة دي تفسر لناس كتير حالة السكون اللي أنا فيها
مبقتش عارف ومش عارف هل هاعرف ولا لأ
يمكن أكون مصدوم في ناس كتير حواليا
يمكن أكون مخنوق من المذاكرة
يمكن أكون اتخنق من المووووووود اللي أنا فيه
بس خلاص قررت
قررت أدور على اجابات لكل علامات الاستفهام اللي عندي
قررت إني أوصل لاجابة شافية
انا دلوقت في حالة حجر نفسي ومعنوي
قافل الموبايل .. مش بدخل على النت إلا نادرا
قاعد في البيت .. قافله عليا .. مش بطلع غير للصلاة
قاعد بفكر ... بدور ... ويا رب أوصل المرة دي لاجابة
ممكن تدعولي
لأ .. هاتدعوا .. بلطجة بقى :d
كمان الفترة اللي فاتت كنت في وعكة صحية
كنت مستخبي في الشقة مش بطلع غير للامتحان وبس
كان عندي انفلونزا :d
بس اطمنوا مش خنازير .. فكنت قاعد مستكن مش ناقص مشاكل
عايز أخلص امتحانات الاول
وبعدين نبقى نشوف الخنازير ولا الأحصنة
عندي كلااااااااااام كتير أوي
عايز أتكلم في حاجات كتير حصلت في الفترة اللي فاتت
بس خلوها المرة الجاية
ونقووووووووووول
انتظرووووووووووونا
هناك 16 تعليقًا:
اولا كل عام وانت الى الله اقرب وعلى طاعته ادوم
ثانيا اتمنى من الله انك تالقى اجابات الاسئله الكتير اللى عندك وربنا يوفقك الى ما يحب ويرضى والف سلامه على حضرتك من البرد ومبارك الاجازه
ثالثا منتظرين حضرتك يا دكتور
1- مبروووك الاجازة ... استغلها كويس
2- كل عام وانت الى الله اقرب
والى جنته اقرب
وعن ناره ابعد
وعلى طاعته ادوم
ولوالديك ابر
3- طبيعي جدا ... كل انسان بيمر بالمرحلة دي ... ولسه ولسه .. بعد التخرج هتلاقي حاجات زي دي .. وانت ونصيبك
وبعدين قول الحقيقة انت كنت مستخبي عشان الانفلونزا خايف تتاخد اشتباه .. مش عشان كل اللى قولته ده
:D
ألف مبروك . أنا بنزل القاهرة كل أسبوع حد و اتنين و تلات أتمنى أشوفك . اجتهد في الأجازة و لا تجلعها تمر كالأجازات السابقة . ف انتظار كلامك الكتير
كل عام وحضرتك بخير .. مبارك الأجازة
كل عام وحضرتك بخير
أصلح الله أحوالك وفك كربك وفرج عنك ..
ومبروك الاجازة
مسلمة وكلي فخر
أولا : وحضرتك طيبة يا فندم
ثانيا : يا رب .. وربنا يبارك في حضرتك
ثالثا : منتظريني فين ؟؟ انا هنا اهوه :d
جزاكي الله كل خير على مرورك
وربنا يبارك فيك
بنت أبيها
1- ربنا يبارك في حضرتك
واهوه فيه خطط كتير بس ربنا يستر ومش نقضيها نووووم :(:(
2- وانتي بخير يا فندم
3- ولسه كمان بعد التخرج :d
الله الله .. ربنا يستر بقى :d
ومين قال الحقيقة غير كده
انا مستخبي فعلا عشان مش تاخد اشتباه
:p:p
أبو أنوووووووس حبيبي
ازيك يا عمنا .. أخبارك وأخبار صحتك
واحشنييييييييييي مووووووووت بجد
وان شاءالله أحاول أكلمك في أقرب وقت باذن الله :)
سمسمة
ربنا يبارك فيكي يا فندم
ومبرووووووووك علينا كلنا الأجازة
غير معرف
يااااااااااا رب
ربنا يكرمك يا فندم
وكان يشرفني معرفة حضرتك
وملحوقة ان شاء الله
دعواتك لي
كل سنه وانت طيب
والسنه الجايه اشوفك فى حته ههههههههههه
مبروووووك يا عمنا
زواج مبارك إن شاء الله
متأخره متأخره خالص
معلش بقى :D
كل سنة وحضرتك طيب
ومبارك الاجازه
والف سلامه ان شاء الله خير
والنتيجه ظهرت عايزين نعرف عملت ايه !
السلام عليكم
كل سنة و حضرتك طيب
علي كذا حاجة
عيد الميلاد ...و خلاص أمتحانات ..البرد راح كمان
ما شاء الله كل ده مناسبات مرة واحدة
أنا مش بحسد و الله أنا بنق بس
بس أصلا هي مش حاجة حلوة أنك تكمل عشرين
أنا فاضلي شهرين كده و أكملهم بس أنا من دلوقتي و أنا في إكتئاب
كان نفسي أبقي علي طول أندر 20
تحياتي
سلمي
كل عام وانت الى الله اقرب وعلى طاعته ادوم والى الخيرات اسبق
وبلاش الانفلوانزا اليومين دول....لاحسن يظبطوك متلبس ويعتبروك من المحظورين
ومبروك الاجازه
كل سنه وحضرتك بخير :)
إرسال تعليق