الخميس، 3 ديسمبر، 2009

يا ترى نجحوا فعلا !!!

حاجه غريبة جدا حصلت معايا امبارح

كنت امبارح رايح أزور ناس قرايبي

ناس طيبة جدا .. لا ليها ولا عليها .. في حالهم جدا

ولكن الغريب بقى

انا كنت واخد معايا مصاصات

فواحد فيهم بعد ما أخدها

لقيته جاي وزعلان وبيقول متجيبوش من المصاصات دي تاني

دي مصنوعة في الجزائر

انا في ثواني كان عندي مليون علامة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اشمعنه الجزائر دلوقت هانقطعها

طيب ومقاطعة البضائع الأمريكية والصهيونية

كنا كل منتكلم في المقاطعة تكون الردود

يا عم واحنا مالنا .. الفلسطينين همه اللي باعوا أرضهم

ويوم ما نتزنق خالص .. يا عم وهل المقاطعة هاتفيد أصلا

يعني الجنيه ولا الاتنين دول همه اللي هايوقفوا القتل في فلسطين

ساعتها بس قلت سبحان الله

اشمعنى يوم ما الجزائر عملت اللي عملته هنبدأ نقاطع

وبعدين ده على أساس ان الحكومة المبجلة خدت موقف مع الجزائر

احنا اضربنا واتبهدلنا والحكومة ولا عملت أي حاجه

يعني لو افترضنا ان الفلسطينين فعلا باعوا أرضهم .. محنا مش زودنا عنهم حاجه :(:(

طيب يا ترى هل مقاطعة الجزائر فعلا في مصاصة هيه اللي هاتفيد وهتأثر !!!!

ولا هيه قضية مبدأ قلبا وقالبا ؟؟؟؟!!!!!!

ولا نقدر نقول ان الاستعمار فعلا نجح في تفرقتنا كمسلمين

وبقينا مصري وسوداني وجزائري وسعودي ويمني .... إلخ إلخ

ولا نسينا بكل سهولة بيت الشعر القائل

(( أبي الإسلام لا أبا لي سواه .. إن افتخروا بقيس أو تميم ))

وبقى كل واحد همه على نفسه وبس وملوش دعوة بغيره !!!!!!!!!!!!!!

يا ترى ايه فيهم ؟؟

وانتوا ايه رأيكم في كل ده
منتظر آرائكم

هناك تعليق واحد:

anas3laa يقول...

الموضوع بتاع الجزائر ده وضح حاجات كتيرة في سمات الشعب المصري . كتبت عنه http://mykhawater.blogspot.com/2009/11/blog-post_16.html
و لا تحرمنا من كتاباتك