والله وعملوها الرجالة
والزمن بيعيد نفسه من تاني
يوم الجمعة اللي فاتت
كنت بتفرج ع الاختراع اللي اسمه التلفزيون
ع قناة من قنوات التلفزيون المصري
المهم سمعت خبر ظريف أوي
ان يوم 22-2 كان اليوم اللي تعامدت الشمس ع وجه رمسيس التاني
الخبر لفت انتباهي
تسائلت عن السبب
اشمعنه ؟؟
وايه الهدف ؟؟
فواحد فسرلي
ان الفراعنة كانوا زمان في دور العبادة
كبار القوم هم من يسمح لهم فقط بدخول المعبد للعبادة
بينما الناس العادي تظل خارج المعبد .. ويؤدون عباتدهم في الخارج
تفرقة عنصرية يعني :(
ولكن لأن الريس دايما عطوف ودايما هو الصدر الحنين عليهم
كان من رمسيس التاني انه عمل الحكاية دي
عمل المعبد بطريقة بحيث ان الشمس تتعامد ع وجهه
فيسمح لصغار القوم انهم يشوفوا المعبد من الداخل
طبعا بعد التفسير ده ... لا تعليق
الزمن بيعيد نفسه
والله عملوها الرجالة
هناك 4 تعليقات:
صدقت والله
موضوع جميل
ومدونتك رائعة
تقبل مروري وتعليقي
مش فاهم ممكن تفهمني يا دكترة
فنونه
شكرا يا فندم لمرورك وتعليقك
ربنا يكرمك :)
أنووووس حبيبي
اقرأها تاني يا حبي
دور ما بين السطور :)
إرسال تعليق