هيه مصر لسه أمي !!!!

علامات تعجب من هنا لبكره الصبح 

هيه مصر لسه أمي !!!!!!!!!!!!!!!

قيل في الأثر : مصر أم الدنيا

وانا مالي بالدنيا يا عم ؟؟؟

انا عايز نفسي ... هيه مصر لسه أمي !!!

أصل بيقولوا ان انهارده عيد الأم

وانا بصراحة مش بعترف بعيد غير عيد الأضحى وعيد الفطر

فاسمحولي أسميه يوم الأم :)

انهارده بقى يوم الأم

يعني نكرم الوالدة الكريمة

وبما إني بعيد عن والدتي .. وكمان متخانق معاها 

فأنا مش عارف أهنيها بحاجه

ولا عارف أقولها .. انا بحبك يا ماما

وكل سنة وانتي طيبة يا أحلى ماما

وحتى بعتلها رسالة بقولها كل سنة وانتي طيبة ..

ومرديتش عليا 

فبقيت مش عارف أعمل ايه !!

نزلت الشارع زهقان وطهقان

مش عارف أروح فين وآجي منين

بحسد كل واحد مامته معاه

وبقوله يا حظك .. مامتك معاك

ووجدت حينها بائعا للصحف

واذا بجريدة المصري اليوم 

تضع عنوانا .. (( هيه مصر لسه أمي !! ))

فتوقفت 

وقلت صحيح .. مصر أم الدنيا

وبدأ التساؤل .. هيه مصر لسه أمي !!

ليه ؟؟ لماذا ؟؟ كيف ؟؟ أين ؟؟ متى ؟؟

لو مصر فعلا أمي .. فالمفروض إني أهنيها في يوم الأم

أما لو مصر بقت مرات أبويا .. يبقى أقعد واستنى الصفعة الجديدة منها

انتظروني في البوست القادم

في نظرة تحليلية من وجهة نظري الخاصة