رتم الحياة السريع .. احذر ان الدنيا تاخدك في دوكة !!!

هوه احنا ليه كل ما بنكبر مش بنحس بالدنيا ؟؟

ليه بتقل قيمتها أوي بالنسبة لينا ؟؟

واحنا صغيرين كنا بنفرح أوي بأقل حاجه .. وكل يوم بيكون بالنسبة لينا ذكرى حلوة

ليه لما كبرنا الدنيا بقت وحشة أو على الأقل مش شايفنها بحلاوة أيام زمان

كنا نفرح أوي لما نخرج خروجة مع بابا وماما

كنا نشوف الدنيا ونقول .. .يااااااااااااااااااااه امتى نكبر

دلوقت كبرنا وبنقول ياااااااااااه فين أيام زمان

دلوقت الدنيا لا بقت زي زمان ولا احنا بقينا صغيرين

مش عارف هيه الدنيا اللي اتغيرت ولا احنا اللي اتغيرنا

الأسبوع بيعدي هوا ... كنت لسه بفكر انا الاسبوع اللي فات زي دلوقت كنت فين ؟؟

واقعد افكر في الأسبوع عملت فيه ايه ؟؟

لقيت ان الأسبوع عدا هوا .. ومحسيناش بيه ولا حتى استفدنا منه

هوه الواحد فينا مهما عاش هايعيش قد ايه ؟؟

60 سنة 70 سنة 80 سنة

ما تيجوا نقول 100 سنة

اه هاتعيش مية سنة

طيب ما تيجي نقول ان حياتنا دي عامله زي مسطرة طولها متر

كل سم في المسطرة بسنه من عمرنا

شوف انته وصلت لغاية فين في المسطرة وشوف باقيلك قد ايه

هاتقول يا دوب قطعت 20 سم أو حتى 30 سم

ولسه باقيلي كتير ... وعمر الشقي بقي

طيب يا حبيبي

احنا افترضنا اننا هانعيش 100 سنة بس ده مش أكيد

يعني ممكن المسطرة تنكسر في أي وقت .. وتلاقي آخر في المسطرة 32 ولا حتى
45

طيب هوه بعد الموت فيه ايه !!

حياة البرزخ .. اللي في القبر

دي بقى قد ايه !!

كم ؟؟ تقدر تعرف

طبعا لأ

طيب هانقول مئات السنين

وبعدها هانروح فين ؟؟

نتحاسب

جنة أو نار

طيب ودي هانقعد فيها قد ايه ؟؟


INFINTY
إلى ما لا نهاية .. ملهاش نهاية

يعني هاتقعد فيها طول عمرك

هانفترض بقى ان الحياة في الآخرة 100 متر بس

وحياة الدنيا متر واحد

حطهم كده قدامك


وارجع لورا شويه

شوف تحب تتهنى وتعيش مبسوط فين

في المتر ولا المية متر

طبعا كلنا طماعين وهانقول المية متر طبعا

طيب طالما انك عايز المية متر

مش مظبط نفسك ليه في المتر

مضيع الصلاة وبتكلم فلان نخرج

مفيش صوم ولا حتى قراءة قرآن

طيب وبعدين .. فرحان أوي بالمتر اللي انته فيه

مفكرتش في مرة في المية متر .. هاتعمل فيهم ايه !!

ده متر يا اخونا !!!

متخيل هاتتعب متر عشان تعيش المية متر مستريح

متخيلها !!!!

طيب اللي ميستغلش المتر عشان خاطر المية متر

ده بقى يبقى ايه ؟؟؟

اهوه ده احنا

مش مهتمين بحياتنا دلوقت

مقضينها زي ما بيقولوا

بندعي الالتزام ونقول ده احنا احسن من غيرنا

ليه دايما بنقارن نفسنا بالأسوأ مننا

وننسى نقارن نفسنا باللي أحسن مننا

ها ؟؟

ما تيجي نقارن نفسنا بالصحابة

ده احنا جنبهم ولا حاجه

صحيح هل فيه فرق بينا وبينهم !!

ظروفنا وحشة وبيضطهدونا

همه كمان ظروفهم كانت وحشة وبيضطهدوهم

طيب احنا بنتإذي

وهمه كمان كانوا بيتإذوا

بس همه قاوموا عشان الدين ده يوصلنا

بس احنا مش فارقه معانا

لا احنا اللي قاومنا ولا احنا اللي بنحاول نحافظ ع دينا

بجد الواحد بيزعل أوي لما يلاقي الموازين اتقلبت

وبقى المعيار بايظ خالص

شدوا الهمة وشدوا الحيل

وبلاش الدنيا تاخدنا في دوكة وتنسينا الآخرة

خلوكم فاكرين الشعار

في الروح إصرار وفي أعماقنا أمل

لا يعتري خطواتنا يأس ولا سأم

صحيح احنا ممكن نطلع شويه عن الطريق

بس لازم نراجع نفسنا ونجاهد نفسنا

لازم نرجع تاني 

مفيش حد بيستمر كويس عالطول

لازم المعدل يعلى في أوقات ويقل في أوقات

ده الطبيعي .. وغير كده ميبقاش طبيعي

بس أهم انك تقدر تقاوم وترجع

سلااااااااااااااااااااااااااام