في البوست السابق
قلت البوست القادم بعنوان مرارتي اتفقعت
انا فعلا مرارتي اتفقعت
بجد حاجه تخنق اوي
اتخنقت من البلد دي
حصل معايا 3 مواقف الاسبوع اللي فات
كلهم الواحد يحط قدامهم علامة تعجب كبيرة جدا جدا جدا
نبدأ بقى ولا ايه ؟؟
نبدأ ... عشان مبقاش عندي مرارة خلاص
الاسبوع اللي فات كان فيه يوم اسمه 6-أبريل
يوم الغضب ... والمظاهرات والذي منه
كان نفسي أضرب أو أعمل حاجه
ولكن للأسف كان عندي امتحان
ونازل من البيت الساعة 11 عشان الامتحان
ولقيت واحد صاحبي بيتصل عليا
هوه في اعدادي واعدادي بتتاخد في علوم
فبيقولي ده شؤون الطلبة عايزنهم وهوه رايح يشوف فيه ايه
قلتله انا عندي امتحان .. شوف ايه الحوار عندك وطمني
اتصل عليا بعدها بساعة وقالي ده مش عارف مين قرر رفع المصاريف
فهمه كانوا عايزينهم يدفعوا المصاريف الزيادة
كون المصاريف تزيد .. ده أكبر دليل على مجانية التعليم في مصر
سيبوكوا .. ده حقهم بردو ولازم ياخدوووووووووووووووه
قلتلوا طيب المصاريف زادت كم جنيه ؟؟
قالي : زادت .. ده عايز نصف جنيه .. الزيادة في المصاريف
قلتلوا : نععععععععععععععععععععععععععععععععععععععععععععم
نصف جنيه .. بيهرجوا دول ولا ايه ؟؟
ده احنا الدفعة كلها 400 واحد يبقى بسلامته لم 200 جنيه
هايعمل بيهم ايه بقى ؟؟ نفسي أفهم والله
ويجيب دفعة كاملة من كلية علوم عشان خاطر نصف جنية
طبعا .. لا كلام يقال غير سلملي ع المترو
مش عايز أقولكم بقى
بعدها بيومين لقيت الورقة دي في الكلية
إعلان هام لكل الطلبة
يرجى الذهاب لشؤون الطلبة
لدفعة الزيادة في
المصروفات الدراسية
0.50 قرشا
بجد تهريييييييييييج .. نفسي أفهم عملوا ايه وليه وعشان ايه ؟؟
ده كان الموقف الأول
_____________
بعد ما خلصت امتحاني ومروح
بعدي ع الجامعة في الطريق
لقيت الجامعة ثكنة عسكرية
ليه ؟؟ أكيد عشان مظاهرات 6 أبريل
دفعني الفضول .. هادخل الجامعة واشوف
لقيت المسيرة ودنيا تانية خالص
بره الجامعة غير جوه
بس وانا واقف سمعت واحد بيتكلم عن حاجه لاحظتها بره
ايه هيه بقى ؟؟
لاحظت ان فيه ناس واقفه خارج الجامعة
مناظرهم لا تدل على طلبة جامعية ولا حتى دبلوم صنايع
مناظرهم خريجي سجون
وعددهم عد واغلط
لقيت الولد بيقول لواحد صاحبوا
انه حصل احتكاك مع واحد فيهم
فقالهم انه كان في السجن وانهارده طلعوهم
وقالولهم هاتضربوا العيال دي وهانخرجكم من السجن
وتاخدوا فلوووووووووووووووووووووووووووس
لغاية هنا والواحد هنج ؟؟ .. ايه ده ؟؟ ليه ؟؟ عشان ايه ؟؟
طبعا لا تعليق .. هاقول ايه غير سلملي ع المترو
الموقف الثالث بقى كان أسوأ موقف
رجعت البيت بليل وبتفرج ع برنامج القاهرة اليوم
فطلعت صحفية اسمها اقبال بركه بتعلق ع صحف الغد
وفي وسط الحديث .. المذيع قالها .. الناس طالبتك بأنك تلبسي الحجاب
أول ما سمعت كده .. راحت رقعت ضحكة .. ولا ضحكة راقصه في ملهى ليلي
فقالها المذيع : بتضحكي ؟؟
قالتها : - ضحكت تاني - اه ما هوه انا ضحكي بيعظهم
قالها : ازاي بس ؟؟
قالتلوا : أصل انا مش عارف .. همه عايزني ألبس البتاع ده
وهوه أصلا ملهوش لزمة .. ازاي بس ألبسه واشغل دماغي
احنا داخلين على ازمة اقتصادية وعطل عن العمل
يقولولي ألبس البتاع ده ؟؟
- انا سمعت كده .. وهنجت خااااااااااااااااالص -
ايه اللي هيه بتقوله ده ؟؟ ايه العبط ده ؟؟
المذيع : بس هوه الشارع أفتى بأنه فريضة
ردت عليه العالمة : لأ لأ لأ .. هم يعلمون جيدا جدا انه ليس فريضة
وبعدين ايه البتاع ده امسكه ألفه ع رأسي ملهوش أي لزمة
مش شايفه ليه لزمة
لأ لأ لأ
هكذا أنهت حديثها ...
نفسي أفهم بقى ايه الكلام اللي قالته ؟؟
بتخرف بتقول ايه دي ؟؟
بردو مش هاعلق واقول رأيي
لا تعليق .. وسلملي ع المترو
سؤالين بقى ليكم :
معايا حق في إن مرارتي تتفقع ولا لأ ؟؟
وانتوا تعليقكم ايه ع الكلام ده ؟؟
هناك 13 تعليقًا:
هى حاجات تفقع بصراحة...
بس دايما كنت بقول لصحابى ..لو كان عندى مرارة بلاستيك كان زمانها فرقعت...
كويس انها طبيعية و بتعمل استرتش ...
البلد دى مليانة حاجات تجيب الضعط و السكر و كل حاجة..
يبقى انت اكيد في مصر
دا بالنسبة لأول موقفين
بلنسبة للبعيدة التالتة ادبار لا بارك الله فيها فدا مش اول موقف تعمله
دي اصلا مشهرهاش غير تهجمها على الحجاب وعلى الملتزمين
دا حتى أذاها وصل لأبو تريكة ذات نفسه لما انتقدته عشان خرج من الاستاد لما نانسي عجرم دخلت عشان تغني
بس سيبك انت
أهم حاجة الروح الرياضية
اولا بالنسبة لزيادة النص جنية دي قانا مرارتي اتفقعت من الضحك مش من الغيظ
يعني الراجل البلاش اقول يجيب كل ود من بيته عشان نص جنيه وبعدين هما وخدين التعليم في مصر تجارة ولا ايه
والله ربنا يعين الجميع
وبالنسبه للبتتكلم عن الحجاب كده فربنا هيجازيها بعملها وكلامها الوحش عن الحجاب بالشكل ده
احنا نقول بس حسبنا الله ونعم الوكيل
واخيرا احب اقولك هدي اعصابك خالص وخليك ريلكس على الاخر وكل الدنيا ماتستاهلش ان مرارتك تتفقع
انت لو كل مامشيت دققت على ده وعلى ده وده مرارتك مش هتتفقع مرة وحده لا دا دي هتتفقع وتتكون عشان تتفقع تاني
مافيش احسن من ان الواحد ينفض للدنيا ويشوف نفسه ويحاول يصحح من نفسه ويسيبه من كل الحواليه عشان يلاقي الراحة المش لاقيها في الدنيا في الاخرة
دا الكلام المفروض نعمله بس مين ينفض
يلا تقبل خالص تحياتي وتقديري
السلام عليكم
بجد موضوع النص جنيه ده غريييييييييب جدا أنا أول مرة أسمع عنه .
و يوم الغضب و إقبال
بجد منديش تعليق غير حسبنا الله و نعم الوكيل
تحياتي
سلمي
طيب الصورة ايه علاقتها بالمرارة ؟
دده أنا قرأتها " مراتي اتفقعت " لما شفت الصورة ، قلت الواد ده اتجوز من ورايا ولا ايه . عشان موضوع الحجاب يعني ؟
المهم أنت دفعت النص جنيه و لا معكش فكّة ؟
واحشني يا دكتور
والله ليست بمواقف تفقع المرارة
دي مواقف تموت من كتر الغيظ
بيس ياراجل الغلط غلطك
ماتدفع النص جنيه من سكات
والموقف الثاني الحكومة بطلع المسجلين خطر وبتوظفهم يعني بتخليهم يتوبوا وبتقضى على البطالة
أما بالنسبة لأقبال بركة فلا تعليق لأنها لا تستحق التعليق
ويبقى التواصل
أشرف ناجي
هههههههههه
حلوة أوي حكاية المرارة البلاستيك
عندك حق والله
البلد فعلا مليانة حاجات تجيب الضغط
شكرا لمرورك يا حبي
أحمد
منور يا أبو حميد
ربنا يكرمك
بس لغاية امتى هانقول يبقى انته أكيد في مصر
مصر دي بلدنا مش بلدهم
همه مش خايفين عليها
فلغاية امتى هانقول كده ؟؟
والبعيدة الثالثة
ربنا ينتقم منها
مش عارف والله اول مرة الاقي حد بيفكر بالمنظر ده :(
fnoonh
مش قادر أهدي أعصابي
اهديها لغاية امتى بس ؟؟
هحاول أنفض بس مش أوعدك
شكرا لمرورك
ربنا يكرمك
حياتي كلها لله
شكرا لمرورك اختي
وفعلا حسبنا الله ونعم الوكيل
وانتظري البوست القادم
طالما ان حضرتك مستغربة حوار النصف جنيه :)
شكرا لمرورك
أبو أنوووووووووس
واحشني يا غالي
الصورة عشان موضوع الحجاب
أكتر حاجه غاظتني فهيه اللي استولت ع الصورة
واحشني يا باشا والله
وبلاش تدقق :)
معتز شاهين
أخي الفاضل
شرفني مرورك
انته شايف اني ادفع النصف جنيه من سكات ؟؟
انا دفعته خلاص :d
وطبعا تحليل حضرتك لموقف الحكومة
جاااااااااااامد
ربنا يكرمك :)
الحاجات ديه مش تفقع المرارة
ديه تجيب جلطه
بعد الشر على كل الناس
والله الموضوع بتاع الحجاب ده
انا علقت عليه عندى فى المدونه
بنظرة تامليه
لكن موضوع البلطجيه
فدة الواقع بتاع مصر
علشان الاعلام مش يجيب الامن بيضربوا الناس
يجيبوا الناس بيضربوا فى بعض
يلا حسبى الله ونعم الوكيل
إرسال تعليق