الثلاثاء، 14 أبريل 2009

الحقيقة المرة وراء زيادة المصاريف الدراسية !!!


قد يكون البعض تسائل لماذا زادت المصاريف

وقد يقول الآخر .. طب ما انا بكع فلوس من أول السنة جات ع المصاريف 

والبعض الآخر يستهون بالنصف جنيه .. ودفعه وخلاص .. مش هاتفرق معايا حاجه



طيب .. محدش سأل نفسه ليه المصاريف تزيد ؟؟

معلهش يعني .. هوه فين مجانية التعليم ؟؟

ما الحكومة مش هاتصرف علينا .. طيب ماشي يا جميل 

ليه بقى بيقولوا ان التعليم مجاني ؟؟ ما يقولوا ان التعليم بفلوس 



فين بقى اللي احنا بنستهلكه عشان ندفع فلوسه ؟؟

احنا لا بناخد كتب مجانية

ولا حتى بناخد ادوات من الكلية

ولا المواد

ولا حتى المرضى الكلية بتتكلف بمصاريفهم  

ولا حتى عارفين نمارس أي نشاط في الكلية 

فين بقى اللي استهلكناه من الكلية ؟؟ عشان ندفع مصاريفه ؟؟





وبكل آسف زادت المصاريف .. وبكل أسف بردو .. الناس راحت تدفع 

وانا أولهم .. ومحدش يقولي طيب جاي تتكلم ليه ؟؟

هاقوله اني لو أضمن ان مفيش راجل في الكلية هايدفع الزيادة دي 

لكنت أول المحرضين ع الامتناع عن الدفع 

ولكن للآسف السلبية بداخلنا مش راضيه تفارقنا 


وهتلاقي واحد ورا التاني يقول طيب وهوه النصف هايفرق ايه 

يلا يا عم .. شوف مصلحتك والكلام الفاضي ده كله 




انا بس حابب أوضح الزيادة دي عشان ايه 

ع حسب تفسيري الشخصي

لما رحنا نسأل بتاعت ايه في شؤون الطلبة 

قالولنا انها تبع النشاط الرياضي وجوائزه 

طيب مش احنا دافعين الحاجات دي في المصروفات أول السنة 

ولا همه قعدوا يصرفوا ويصرفوا ويصرفوا .. ومرة واحده ملاقوش فلوس في الخزنة 

فقاموا وقالوا ... يلا نلم من حبايبنا الطلبة ما كله ليهم .. هوه احنا بنعمل حاجه لينا !!



حاش وكلا يا باشا ... 

ممكن نسأل .. بقى ايه اللي قدمتوه من أول السنة لحبايبكوا الطلبة عشان الفلوس تخلص عليهم ؟؟




ممكن نسأل ولا لأ ؟؟

ايه اللي عمله اتحاد الطلبة ؟؟

ايه اللي قدمه للطلبة ؟؟

فين الفلوس اللي ادفعت للاتحاد ؟؟

انا عن نفسي مشفتش نشاطات ولا أي حاجه اتقدمت لينا

اللي شاف يقولنا ... يمكن أكون غلطان ولا حاجه 



وبعد كل ده .. هايلموا فلوس من الطلبة عشان يجيبوا الجوايز 


طبعا لو حسبنا حسبة بسيطة 

هتلاقيه هايلم 1200 جنيه تقريبا 

هيه بالنسبة لينا مش هاتفرق النصف جنيه 

بس شوف المبلغ بقى كم ؟؟


طبعا متقوليش هاجيب هدايا بالـ (( 1200 جنيه ))

أخرهم 500 جنيه هدايا 

والباقي طبعا عارفين هايروح فين 

وللأسف الشديد 

الـ (( 500 جنيه )) اللي هايجي بيهم هدايا 

هاتروح لطلاب الاتحاد .. لأنه هوه اللي كسب في كل النشاطات 



بسم الله ما شاء الله عليهم 

خمسة وخميسه .. انتوا هاتنقوا عليهم ولا ايه ؟؟

عينك عينك منك ليه ..

بسم الله ما شاء الله 


___________________

عذرا يا من تكمن وراء زيادة المصاريف 

أيا كنت وأيا كانت الاسباب 

الاسباب اللي كتبتها من وجهة نظري .. ملهاش تفسير غير كده 

ولكن 

لن أقول حسبي الله ونعم الوكيل


بل سأفضحكم في كل مكان 

سأفضح تلك الألاعيب الدنية 


لن أسامح في النصف جنيه 

اللي دفعته رغما عني


قالتها : اللي مش هايدفع هايتـ......... في الامتحانات وانتوا أحرار


هناك 4 تعليقات:

fnoonh يقول...

اول تعليق انا كمان عندك

همسات شاب يقول...

:d

fnoonh يقول...

والباقي طبعا عارفين هايروح فين



طبعا معروف ومش محتاج كلام
حقيقي والله قمة الاستغلال هيعيشوا كده طول عمرهم
بس هيروحوا فين من ربنا ليهم رب هيجازيهم على كل قرش بياخدوه

يلا المضطر يركب الصعاب والبيعارض بيروح في الرجلين

غير كده فعلا مفروض يقولوا ان التعليم بفلوس قال مجاني قال مجاني مين ده دا بيضحكوا علينا عيني عينك

امال لو شافوا الهنا والله العظيم كل طالب سعودي بياخد من الجامعة الف ريال سعودي
طيب احنا مش عاوزين كده مش عاوزين يدونا عاوزين بس مش ياخدوا مننا

انا جايه بعد شهور لجامعة مصر بس ياترى هعرف اتاقلم مع الاستغلال ده ولا لاه خصوصا اني بكرهه ومش متعودة عليه اصل الحكومة هنا تعرف ربنا نوعا ما


تقبل تحياتي وتقديري

محبة الرحمن يقول...

يا ريتها كانت نصف جنيه بس

احنا كل سنه بيزودوا خمستاشر جنيه

وانا كمان بقول حسبى الله ونعم الوكيل

بس زى ما حضرتكم بتقولوا

نعمل ايه ؟؟؟؟؟؟

الكتب بتزيد والمصاريف بتزيد

والكل بيحاول يزود ةعلى كله وياخد من كله

ربنا يرحمنا